Köyümde mıtılıp ketken eski toylardı sağınıp birşiyler yazıp Sincan'dakı derneğimizdin ziyaret depterine cibergen edim.Sizgede yazayım dedim.
ZAKUVRE'MEN ZAKIR'DIN TOYU
Künlerden kündün birevinde
O aytuvlu Nogay köyünde.
Bir kız bareken,atı Zakuvre
Aşık bolgan köylüsü Zakır'ge.
Keşelermen cassırınıp tabısıp
Oturataganediler ekevi canasıp.
Ayttılar; bu bılay bolmayık,
Biz endi üyleniyik, toy yasayık.
Zakır ayttı, aldında cavşı ciberiyim,
Ata'ndın ana'ndın niyetin üyreniyim.
Tenzila ayyiy cavşı bolup ketti,
Atasın , anasın emde kızdı begendi.
Ayttırmagada ketti Tenzila ayyiy
Zakır'din anasıman bolup eki kudagıy
Ayttırmaga ekide kuda ketti,
Zakuvre'din atasıda kızın berdi.
Kave işip,duva etip, aldılar cavluk.
Kerisi kelir dediler,bolsunda savluk.
Eki yakta anlaşıp şerge kettiler,
Zakuvremen Zakırge satuv ettiler.
Eki kuda, kudagıy cıyılıp körüstüler,
Toy'dun kalay bolayıgın, emde künün kestiler
Ondan son toy bolayığı köyde tuyuldu,
Ul yak, üş koşkarman bir tana soydu.
Kız yakta ondan jkeri kalırmı ?
O da soydu bir balaban tuvardı.
Bir yak tuttu Zemina ayyiydi, kazanşı.
Ana bir yaktın boldu Mentotay, baş aşşısı
Ul yak akeldi üş şalgıcı,birde kambır Aptıla'dı
Kız yakta tuttu, gırnatacı Reşit'me, davulcu Urpat'tı
Perşembe, toydun birinci künü basladı
Kave şeker aketmege eki bala karaldı.
Akırın tabılıp şıktı colga kayın ballar,
Torbalarda kave şeker, aldılarında semiz koşkar.
Karşıladı onlardı kız yaktakı cengeler,
Askanaga tıgıp, pisken as'tan berdiler.
İşlemeli birer şevre bayladılar kollarına
Şalgılardı şaldırıp, ozgardılar collarına.
Bu kün üyden, kelin kız şıgarma bar,
Onun üşün cıyılıstı, tutas kızlar.
Birevi aldı koluna dümbelek,birevi dayre
Şalıp oynadılar azbardın orta cerinde.
Seyir üşün üymelesti, bikelermen kurtkalar,
Karadılar kızlarga,kalav artından caslar.
Oyun pitti, şıktı ortaga bir kurtka,
Mane, şın aytınız dedi, kızlarman caslarga.
Cıyılıstılar bir araga kızlar,caslar
Mane'men şındı karıstırıp ayttılar.
KIZLAR :
Sıprada kaldı işken cazman, cegen kurut'un
Taslap keteyatıtsın Ata'ndın curtun.
CASLAR:
Bargan cerinde cazma'sıda bar, emde kurut'u
Barayık ceri cat tuvul, özündün curtu.
KIZLAR:
Bek süyedi eken, közün casın tıymadı ana'n
Cılamayman desede, şonkayıp kaldı ata'n
CASLAR:
Tüye'gede şikardır, össede bota'sı
Atasındın cerine, bar onun kaynata'sı
KIZLAR :
Ne aytsan ayt, cas matuvler tuymaydı,
Kaynatası kim bolsun, atasınday bolmaydı.
CASLAR :
Sapsız armut, şöpsüz yüzüm bolmaz,
Ata'sız ana'sız cigit tabılmaz.
Bılay dep aytıp taga köp şınladılar,
Bikelere cuvuktan, akaylar erekten tınladılar.
Ondan son keldi şalgıcılar,
Urmeli avaları aytıp, şaldılar.
Merkane ayyiy şıktı ortaga tentirep,
Kök işlevli maraması celbirep.
Şalınız dedi Nogay avası *Kadama*
Börtemir'men Bavbek şıktı, oynamaga.
Ekevide süyüp oynap bir taldı,
Merkane ayyiy bılay aytıp *şappaz* saldı
ŞAPPAZ :
At minse ozar
Ton kiyse tozar,
Kadama oynagan
Ciğitlerdi, kim ozar
Toyga kelgen bir cambaz
At üstünde turamaz.
Cambaz attan cıgıldı,
Paraları şaşıldı.
O paralar sizge şappaz.
Caslar aynamaga toymadı,
Koyunuz endi, deselerde, koymadı
Akzade kartabay ayttı, koyunuz caslar.
Kız şıkkan üyde akşam *cıyın* bar.
Tuyganıman bu8nu şalgıcılar şaldı, ey gaziler
Kızlarda kız şıkkan üyge kettiler.
Kızyakta pisti *köbete*'ler,snilermen.
Ciberdiler cıyın üyüne *ini*'lrmen.
Kızlar köbetedin azakayın cediler,
Kalganında, süygenlerine casırıp berdiler.
Löküsler cagıldı, azbar capcarık boldu,
Cas,cavkan,bike,kız azbarga toldu.
Bek keşikmiy dediler oynamak kerek,
Aldılar kollarına dayremen,dümbelek.
Toktamay ayttılar, iş sesleri tıymadı,
Körünüz bu kızlar, neler aytıp oynadı.
MERTEBE:
Ay mertebe mertebe,
Mertebe'den suv sebe.
Üylenalmay kart caslar,
Üy aylanıp cer teber.
Üyüm aldı gül terek,
Gül terek'ke suv kerek.
Orta boylu abiyime,
Bir aruvşe kız kerek.
Karşıgı tavga kar cavgan,
Mına tavga ne bolgan.
Kişkeneler üylenyatır,
Kart caslarga ne bolgan.
Atlap tüstüm suv iştim,
Suv iştimde bas testim.
Orta boylu abiyime,
Bir aruvşe kız seştim.
YARİMDIN
Yarimdin şapkası potördür, potör.
Kel bizim üyümüzge cantayıp, otur.
Ele yarim ele cavlugu kirli,
Cavlugun cuvmay kızlarga keldi.
Yarıimdin ayakkabı bir karıstır, bir karıs.
Bizim köydün casları, bek sarvuştur, bek sarvuş.
Ele yarim ele cavluğu kirli,
Cavlugun cuvmay kızlarga keldi.
Dayanalmay şıktı ortaga Gülzade totay,
*Kökkögerşin*di aytıp oynadı, bılay.
KÖKKÖGERŞİN :
Kökkögerşin, kökte uşar
Köletkisi, köp tüser.
Menim könlüm saga tüser,
Senin könlin kimge tüser.
Ay bili bilim vay bili bilim
Kaydfa kaldın süygenim,
Kapret kaldım men aytmaga,
Kanatım yok uşmaga.
Kökkögerşin uşup keter
Köletkisin ala keter.
süygenime selam ayttım,
O da barıp oga ceter.
Ay bili bilim vay bili bilim
Kayda kaldın süygenim,
Kapret kaldım men aytmaga
Kanatım yok uşmaga.
Korucu Celay ayttı, keş boldu kaytınız,
Yarında toy bar,ketip üyünüzge catınız.
Ertengi kün, közleri cıltıraganbir canay bala,
İyersiz,cüvensiz calından tutup, mindi bir at'ka.
Üylede kız yakta, akşam ul yakta as bar.
Şakırtuvsunuz bikeler, emde akaylar.
Dep, bılay aytıp üy üy kıdırdı,
Tutas köydün kalkın toyga şakırdı.
Bikeler, lokum,katlama,şülter pisirdi.
Ortasına cemis kuyup, bir tepsige tizdi.
Bılay yasap kız üyüyne akettiler,
Kız yak'ta üyle as'ın cediler.
Akşamga da ul yaktamıa dediler.
Ul üyünde bir yakta oturdu apakaylar,
Ava cıllı edi azbarda oturdu akaylar.
Ekevindin arasına şalgıcılar oturdu,
Caslarga da başka üyde sıpra kuruldu.
Kuruldu, tögerek balabancaslar sıprası,
Bu sıpraga kerek dediler,*kartlar agası*
Sonunda kartlar agası boldu Kurtiy,
Capay'dı yasadı ong biyi, Setay'dıda sol biy.
Akaylarda, caslarda ayttılar *Siytosman saray*
Mıtılırmı? *Salgırboyu*man *Bostorgay*
Bir kart ayttı, mttınız *Sokur şışkan*dı,
Aytsın omu, şakırınız kambır Aptıla'dı.
Zaten üyerde edi şalgıcı kambır Aptıla,
O süygen cümbüş'ün aldı koluna.
SOKUR ŞIŞKAN :
Kördünüzmü siz şışkandı
Raptan dolapka kaşkandı.
Kolunda müsür koşanı,
Bostancı bolgan bu şışkan.
Ah şışkan,vah şışkan
Eki közü sokur şışkan.
Bal cemezdin balına,
Dalar şıgar bu şışkan.
Kapı artına takır tukur,
Men belledim cayuv tokur.
Algan koluna kitap omkur,
Molla bolgan bu şışkan.
Ah şışkan vah şışkan,
Eki közü sokur şışkan.
Bal cemezdin balına,
Dalar şıgar bu şışkan.
Mıtılıp kalgan Sokur şışkan'dı ayttı,
Bikelerdi, akaylardı, caslardı tınlattı.
Cuvuk köylerden köp şakırtuvlar keldi at arabasıman,
Şalgıcılar karşıladı onalardı, şakırtuv avsıman.
Kuruldu sıpralar epsine as berildi,
Oynaldı, dürküler aytıldı,cenilip işildi.
s kenşeklermen kızlar keldi,kelin üyü caymaga,
Caygan son kızlar ketti kına cakmaga.
Oynap şalıp kına caktılar kelinge,özlerine
Şınatay parmaklarına caktılar casladan, süygenlerina.
Dörtüncü kün boldu endi nedi aytayık.
*Mogadek* arabaga mingizip kelindi,uzatayık.
Kelindi cılatıp arabaga, mingizdiler.
Bir köp arabaman, atlılardı tizdiler.
Eki cenge, eki kudagiy mindi kelndin kasına,
Kiyev'de kiyevbas'man mindi bir at arabasına
Kolunda bokşaman şıktı bir cenge,
Atlardın cüvenlerine bayladı şevre.
Arabalar, atlılar cönediler kırga taman,
Em kettiler, em dürkü ayttılar bir zaman.
Şalgılarman barabar dürküler aytıldı
Biraz kıdırılıp köyge taman kaytıldı.
Kayın bala kelip kelin arabasın toktattı,
Bir cengede onun atındın moynuna *toguz*taktı.
Kayın bala atın köyge taman şaptı,
Kelin kelyatır dep, kaynanaga ayttı.
Keldi kelin alayı, mogadek araba üyge canastı.
Kaynana da üstünden sinimen cemis şaştı.
Araba man üy arasına şarşap kerdiler,
Cengeler eki yagına kirip,kelindi tüsürdüler.
Amin dep duva etti İmam cakay
Aştı kökke avuşun em akay, emde apakay.
Kelinge ayırdıllar *şımıldık*tın arkasın,
Mıktar'da kelip kıydı ekevindin nikasın.
Ondan son kartlar bir odaga cıyıldı,
İmam cakay duva okudu, din nikası kıyıldı.
İnce bir direkke bayladılar, köp grep men şevre,
Bu ne eken dedim, dediler *cülde*
Toy saybiside bir koşkar berdi,ediye
Küres sonu berilsin dep, cengenge
Cıyılısıp kettiler bol tobanlı arman cerine.
Kartlardan birevi boldu küres agası,
Gırnata man davul da şaldı, küres avası.
Aldında şıktı ortaga cas ballar,kişkeneler.
Onlardan son şıktı canı cetmeler.
Tutusup belbevlerinden bir arıv kürestiler.
Akırında, aytuvlu pelvanlar şıktı.
Kimisi *ırgaşık*ka alıp *şaltayak*taktı.
Kimisi *canbas*ka alıp,*koyan koltuk*man cıktı.
Pitti küres, cengemlerge cülde,koşkar berildi.
Ey gaziler şalınıp, şakırtuvlar ciberildi.
Kas karradı, caslar bir üyge cıyıldı.
Kiyev kigizgende bakalım neler aytıldı?
Kelsin kelsin
Kiyev bala kelsin,
Kelmiyik bolsa
Kaber bersin.
Anımına, anımına keleyatır
Köyleksesin kiyeyatır.
Kelsin kelsin
Kiyev bala kelsin,
Kelmiyik bolsa
Kaber bersin.
Anımına anımına keleyatır,
Ayakkabın kiyeyatır.
Kiyev bala keldi astına salsılar, oturak.
Eki bala tuttu, ekiyagına *şamşırak*
İlahiler aytılıp, kiyevtıraşıda pitti.
Caslar araga alıp kiyevdi üyüne aketti.
Biz Ural'da yaşaymız
Aşura aşaymız,
Aşamaga as tabalmay
Pasuvle aşaymız.
Tırnavuşum senegim,
Arman da kaldı.
Bas bermegen aygırlarım
Ural'da kaldı.
Bılay dep, soykırım,köş dürküsü ayttılar,
İmam cakay duva okudu kiyevdi kapadılar.
Darkalıp üylerine kaytıp cattılar,caslar
Ertengi kün kenşekler yasadı*bet aşar*
Coytulmasın Nogay Türk'tün yaşasın soyu,
Bılay bolatagan edi Nogay'ımdın,mıtılgan toyu.
Men yazdım mıtılmasın dep, sizde yazınız.
Menim Nogay kalkım savlukman kalınız.
NOT : Daha öncede belirttiğim gibi,
ŞAPPAZ,MERTEBE,YARİMDİN,KÖKKÖGERŞİN,SOKURŞIŞKAN,KİYEV BALA KELSİN,BİZ ORAL'DA YAŞAYMIZ türkü ve oyun havaları anonim olup,kendi yazmam değildir.Köyümdeki cıyın ve düğünlerde söylenirdi.Hatırımda kalan bölümlerini aktardım.
Kontv. de yasalgan konuşmalardı İstanbul'da oturgan üşün tınlayamadım.Zannıma köre aruv bolgandır.Nogay Türk'lüğündün yaşatılması üşün kim şalışsa oga saygı tuyarmız.At'ı Rıpkıye bolgan Nogay köyümden kop selam, savlukman kalınız.
Men karttayatırmanda, kartlıktan korkkan bir şiirimdi yazayım dedim
Necdet Özen
from Aktepe (Rıpkıye) Alpu-Eskişehir
Köyümde mıtılıp ketken eski toylardı sağınıp birşiyler yazıp Sincan'dakı derneğimizdin ziyaret depterine cibergen edim.Sizgede yazayım dedim.
ZAKUVRE'MEN ZAKIR'DIN TOYU
Künlerden kündün birevinde
O aytuvlu Nogay köyünde.
Bir kız bareken,atı Zakuvre
Aşık bolgan köylüsü Zakır'ge.
Keşelermen cassırınıp tabısıp
Oturataganediler ekevi canasıp.
Ayttılar; bu bılay bolmayık,
Biz endi üyleniyik, toy yasayık.
Zakır ayttı, aldında cavşı ciberiyim,
Ata'ndın ana'ndın niyetin üyreniyim.
Tenzila ayyiy cavşı bolup ketti,
Atasın , anasın emde kızdı begendi.
Ayttırmagada ketti Tenzila ayyiy
Zakır'din anasıman bolup eki kudagıy
Ayttırmaga ekide kuda ketti,
Zakuvre'din atasıda kızın berdi.
Kave işip,duva etip, aldılar cavluk.
Kerisi kelir dediler,bolsunda savluk.
Eki yakta anlaşıp şerge kettiler,
Zakuvremen Zakırge satuv ettiler.
Eki kuda, kudagıy cıyılıp körüstüler,
Toy'dun kalay bolayıgın, emde künün kestiler
Ondan son toy bolayığı köyde tuyuldu,
Ul yak, üş koşkarman bir tana soydu.
Kız yakta ondan jkeri kalırmı ?
O da soydu bir balaban tuvardı.
Bir yak tuttu Zemina ayyiydi, kazanşı.
Ana bir yaktın boldu Mentotay, baş aşşısı
Ul yak akeldi üş şalgıcı,birde kambır Aptıla'dı
Kız yakta tuttu, gırnatacı Reşit'me, davulcu Urpat'tı
Perşembe, toydun birinci künü basladı
Kave şeker aketmege eki bala karaldı.
Akırın tabılıp şıktı colga kayın ballar,
Torbalarda kave şeker, aldılarında semiz koşkar.
Karşıladı onlardı kız yaktakı cengeler,
Askanaga tıgıp, pisken as'tan berdiler.
İşlemeli birer şevre bayladılar kollarına
Şalgılardı şaldırıp, ozgardılar collarına.
Bu kün üyden, kelin kız şıgarma bar,
Onun üşün cıyılıstı, tutas kızlar.
Birevi aldı koluna dümbelek,birevi dayre
Şalıp oynadılar azbardın orta cerinde.
Seyir üşün üymelesti, bikelermen kurtkalar,
Karadılar kızlarga,kalav artından caslar.
Oyun pitti, şıktı ortaga bir kurtka,
Mane, şın aytınız dedi, kızlarman caslarga.
Cıyılıstılar bir araga kızlar,caslar
Mane'men şındı karıstırıp ayttılar.
KIZLAR :
Sıprada kaldı işken cazman, cegen kurut'un
Taslap keteyatıtsın Ata'ndın curtun.
CASLAR:
Bargan cerinde cazma'sıda bar, emde kurut'u
Barayık ceri cat tuvul, özündün curtu.
KIZLAR:
Bek süyedi eken, közün casın tıymadı ana'n
Cılamayman desede, şonkayıp kaldı ata'n
CASLAR:
Tüye'gede şikardır, össede bota'sı
Atasındın cerine, bar onun kaynata'sı
KIZLAR :
Ne aytsan ayt, cas matuvler tuymaydı,
Kaynatası kim bolsun, atasınday bolmaydı.
CASLAR :
Sapsız armut, şöpsüz yüzüm bolmaz,
Ata'sız ana'sız cigit tabılmaz.
Bılay dep aytıp taga köp şınladılar,
Bikelere cuvuktan, akaylar erekten tınladılar.
Ondan son keldi şalgıcılar,
Urmeli avaları aytıp, şaldılar.
Merkane ayyiy şıktı ortaga tentirep,
Kök işlevli maraması celbirep.
Şalınız dedi Nogay avası *Kadama*
Börtemir'men Bavbek şıktı, oynamaga.
Ekevide süyüp oynap bir taldı,
Merkane ayyiy bılay aytıp *şappaz* saldı
ŞAPPAZ :
At minse ozar
Ton kiyse tozar,
Kadama oynagan
Ciğitlerdi, kim ozar
Toyga kelgen bir cambaz
At üstünde turamaz.
Cambaz attan cıgıldı,
Paraları şaşıldı.
O paralar sizge şappaz.
Caslar aynamaga toymadı,
Koyunuz endi, deselerde, koymadı
Akzade kartabay ayttı, koyunuz caslar.
Kız şıkkan üyde akşam *cıyın* bar.
Tuyganıman bu8nu şalgıcılar şaldı, ey gaziler
Kızlarda kız şıkkan üyge kettiler.
Kızyakta pisti *köbete*'ler,snilermen.
Ciberdiler cıyın üyüne *ini*'lrmen.
Kızlar köbetedin azakayın cediler,
Kalganında, süygenlerine casırıp berdiler.
Löküsler cagıldı, azbar capcarık boldu,
Cas,cavkan,bike,kız azbarga toldu.
Bek keşikmiy dediler oynamak kerek,
Aldılar kollarına dayremen,dümbelek.
Toktamay ayttılar, iş sesleri tıymadı,
Körünüz bu kızlar, neler aytıp oynadı.
MERTEBE:
Ay mertebe mertebe,
Mertebe'den suv sebe.
Üylenalmay kart caslar,
Üy aylanıp cer teber.
Üyüm aldı gül terek,
Gül terek'ke suv kerek.
Orta boylu abiyime,
Bir aruvşe kız kerek.
Karşıgı tavga kar cavgan,
Mına tavga ne bolgan.
Kişkeneler üylenyatır,
Kart caslarga ne bolgan.
Atlap tüstüm suv iştim,
Suv iştimde bas testim.
Orta boylu abiyime,
Bir aruvşe kız seştim.
YARİMDIN
Yarimdin şapkası potördür, potör.
Kel bizim üyümüzge cantayıp, otur.
Ele yarim ele cavlugu kirli,
Cavlugun cuvmay kızlarga keldi.
Yarıimdin ayakkabı bir karıstır, bir karıs.
Bizim köydün casları, bek sarvuştur, bek sarvuş.
Ele yarim ele cavluğu kirli,
Cavlugun cuvmay kızlarga keldi.
Dayanalmay şıktı ortaga Gülzade totay,
*Kökkögerşin*di aytıp oynadı, bılay.
KÖKKÖGERŞİN :
Kökkögerşin, kökte uşar
Köletkisi, köp tüser.
Menim könlüm saga tüser,
Senin könlin kimge tüser.
Ay bili bilim vay bili bilim
Kaydfa kaldın süygenim,
Kapret kaldım men aytmaga,
Kanatım yok uşmaga.
Kökkögerşin uşup keter
Köletkisin ala keter.
süygenime selam ayttım,
O da barıp oga ceter.
Ay bili bilim vay bili bilim
Kayda kaldın süygenim,
Kapret kaldım men aytmaga
Kanatım yok uşmaga.
Korucu Celay ayttı, keş boldu kaytınız,
Yarında toy bar,ketip üyünüzge catınız.
Ertengi kün, közleri cıltıraganbir canay bala,
İyersiz,cüvensiz calından tutup, mindi bir at'ka.
Üylede kız yakta, akşam ul yakta as bar.
Şakırtuvsunuz bikeler, emde akaylar.
Dep, bılay aytıp üy üy kıdırdı,
Tutas köydün kalkın toyga şakırdı.
Bikeler, lokum,katlama,şülter pisirdi.
Ortasına cemis kuyup, bir tepsige tizdi.
Bılay yasap kız üyüyne akettiler,
Kız yak'ta üyle as'ın cediler.
Akşamga da ul yaktamıa dediler.
Ul üyünde bir yakta oturdu apakaylar,
Ava cıllı edi azbarda oturdu akaylar.
Ekevindin arasına şalgıcılar oturdu,
Caslarga da başka üyde sıpra kuruldu.
Kuruldu, tögerek balabancaslar sıprası,
Bu sıpraga kerek dediler,*kartlar agası*
Sonunda kartlar agası boldu Kurtiy,
Capay'dı yasadı ong biyi, Setay'dıda sol biy.
Akaylarda, caslarda ayttılar *Siytosman saray*
Mıtılırmı? *Salgırboyu*man *Bostorgay*
Bir kart ayttı, mttınız *Sokur şışkan*dı,
Aytsın omu, şakırınız kambır Aptıla'dı.
Zaten üyerde edi şalgıcı kambır Aptıla,
O süygen cümbüş'ün aldı koluna.
SOKUR ŞIŞKAN :
Kördünüzmü siz şışkandı
Raptan dolapka kaşkandı.
Kolunda müsür koşanı,
Bostancı bolgan bu şışkan.
Ah şışkan,vah şışkan
Eki közü sokur şışkan.
Bal cemezdin balına,
Dalar şıgar bu şışkan.
Kapı artına takır tukur,
Men belledim cayuv tokur.
Algan koluna kitap omkur,
Molla bolgan bu şışkan.
Ah şışkan vah şışkan,
Eki közü sokur şışkan.
Bal cemezdin balına,
Dalar şıgar bu şışkan.
Mıtılıp kalgan Sokur şışkan'dı ayttı,
Bikelerdi, akaylardı, caslardı tınlattı.
Cuvuk köylerden köp şakırtuvlar keldi at arabasıman,
Şalgıcılar karşıladı onalardı, şakırtuv avsıman.
Kuruldu sıpralar epsine as berildi,
Oynaldı, dürküler aytıldı,cenilip işildi.
s kenşeklermen kızlar keldi,kelin üyü caymaga,
Caygan son kızlar ketti kına cakmaga.
Oynap şalıp kına caktılar kelinge,özlerine
Şınatay parmaklarına caktılar casladan, süygenlerina.
Dörtüncü kün boldu endi nedi aytayık.
*Mogadek* arabaga mingizip kelindi,uzatayık.
Kelindi cılatıp arabaga, mingizdiler.
Bir köp arabaman, atlılardı tizdiler.
Eki cenge, eki kudagiy mindi kelndin kasına,
Kiyev'de kiyevbas'man mindi bir at arabasına
Kolunda bokşaman şıktı bir cenge,
Atlardın cüvenlerine bayladı şevre.
Arabalar, atlılar cönediler kırga taman,
Em kettiler, em dürkü ayttılar bir zaman.
Şalgılarman barabar dürküler aytıldı
Biraz kıdırılıp köyge taman kaytıldı.
Kayın bala kelip kelin arabasın toktattı,
Bir cengede onun atındın moynuna *toguz*taktı.
Kayın bala atın köyge taman şaptı,
Kelin kelyatır dep, kaynanaga ayttı.
Keldi kelin alayı, mogadek araba üyge canastı.
Kaynana da üstünden sinimen cemis şaştı.
Araba man üy arasına şarşap kerdiler,
Cengeler eki yagına kirip,kelindi tüsürdüler.
Amin dep duva etti İmam cakay
Aştı kökke avuşun em akay, emde apakay.
Kelinge ayırdıllar *şımıldık*tın arkasın,
Mıktar'da kelip kıydı ekevindin nikasın.
Ondan son kartlar bir odaga cıyıldı,
İmam cakay duva okudu, din nikası kıyıldı.
İnce bir direkke bayladılar, köp grep men şevre,
Bu ne eken dedim, dediler *cülde*
Toy saybiside bir koşkar berdi,ediye
Küres sonu berilsin dep, cengenge
Cıyılısıp kettiler bol tobanlı arman cerine.
Kartlardan birevi boldu küres agası,
Gırnata man davul da şaldı, küres avası.
Aldında şıktı ortaga cas ballar,kişkeneler.
Onlardan son şıktı canı cetmeler.
Tutusup belbevlerinden bir arıv kürestiler.
Akırında, aytuvlu pelvanlar şıktı.
Kimisi *ırgaşık*ka alıp *şaltayak*taktı.
Kimisi *canbas*ka alıp,*koyan koltuk*man cıktı.
Pitti küres, cengemlerge cülde,koşkar berildi.
Ey gaziler şalınıp, şakırtuvlar ciberildi.
Kas karradı, caslar bir üyge cıyıldı.
Kiyev kigizgende bakalım neler aytıldı?
Kelsin kelsin
Kiyev bala kelsin,
Kelmiyik bolsa
Kaber bersin.
Anımına, anımına keleyatır
Köyleksesin kiyeyatır.
Kelsin kelsin
Kiyev bala kelsin,
Kelmiyik bolsa
Kaber bersin.
Anımına anımına keleyatır,
Ayakkabın kiyeyatır.
Kiyev bala keldi astına salsılar, oturak.
Eki bala tuttu, ekiyagına *şamşırak*
İlahiler aytılıp, kiyevtıraşıda pitti.
Caslar araga alıp kiyevdi üyüne aketti.
Biz Ural'da yaşaymız
Aşura aşaymız,
Aşamaga as tabalmay
Pasuvle aşaymız.
Tırnavuşum senegim,
Arman da kaldı.
Bas bermegen aygırlarım
Ural'da kaldı.
Bılay dep, soykırım,köş dürküsü ayttılar,
İmam cakay duva okudu kiyevdi kapadılar.
Darkalıp üylerine kaytıp cattılar,caslar
Ertengi kün kenşekler yasadı*bet aşar*
Coytulmasın Nogay Türk'tün yaşasın soyu,
Bılay bolatagan edi Nogay'ımdın,mıtılgan toyu.
Men yazdım mıtılmasın dep, sizde yazınız.
Menim Nogay kalkım savlukman kalınız.
NOT : Daha öncede belirttiğim gibi,
ŞAPPAZ,MERTEBE,YARİMDİN,KÖKKÖGERŞİN,SOKURŞIŞKAN,KİYEV BALA KELSİN,BİZ ORAL'DA YAŞAYMIZ türkü ve oyun havaları anonim olup,kendi yazmam değildir.Köyümdeki cıyın ve düğünlerde söylenirdi.Hatırımda kalan bölümlerini aktardım.
Kontv. de yasalgan konuşmalardı İstanbul'da oturgan üşün tınlayamadım.Zannıma köre aruv bolgandır.Nogay Türk'lüğündün yaşatılması üşün kim şalışsa oga saygı tuyarmız.At'ı Rıpkıye bolgan Nogay köyümden kop selam, savlukman kalınız.
Men karttayatırmanda, kartlıktan korkkan bir şiirimdi yazayım dedim
Necdet Özen
from Aktepe (Rıpkıye) Alpu-Eskişehir